ΚΕΦΑΛΑΙΑ

- 01 -

⁰¹⁰¹ παυλος αποστολος ουκ απ ανθρωπων ουδε δι ανθρωπου αλλα δια ιησου χριστου και θεου πατρος του εγειραντος αυτον εκ νεκρων ⁰¹⁰² και οι συν εμοι παντες αδελφοι ταις εκκλησιαις της γαλατιας ⁰¹⁰³ χαρις υμιν και ειρηνη απο θεου πατρος και κυριου ημων ιησου χριστου ⁰¹⁰⁴ του δοντος εαυτον περι των αμαρτιων ημων οπως εξεληται ημας εκ του αιωνος του ενεστωτος πονηρου κατα το θελημα του θεου ⁰¹⁰⁵ ω η δοξα εις τους αιωνας των αιωνων αμην ⁰¹⁰⁶ θαυμαζω οτι ουτως ταχεως μετατιθεσθε απο του καλεσαντος υμας εν χαριτι χριστου εισ ετερον ευαγγελιον ⁰¹⁰⁷ ο ουκ εστιν αλλο ει μη τινες εισιν οι ταρασσοντες υμας και θελοντες μεταστρεψαι το ευαγγελιον του χριστου ⁰¹⁰⁸ αλλα και εαν ημεις η αγγελος εξ ουρανου ευαγγελιζηται υμιν παρ ο ευηγγελισαμεθα υμιν αναθεμα εστω ⁰¹⁰⁹ ως προειρηκαμεν και αρτι παλιν λεγω ει τις υμας ευαγγελιζεται παρ ο παρελαβετε αναθεμα εστω ⁰¹¹⁰ αρτι γαρ ανθρωπους πειθω η τον θεον η ζητω ανθρωποις αρεσκειν ει ετι ανθρωποις ηρεσκον χριστου δουλος ουκ αν ημην ⁰¹¹¹ γνωριζω γαρ υμιν αδελφοι το ευαγγελιον το ευαγγελισθεν υπ εμου οτι ουκ εστιν κατα ανθρωπον ⁰¹¹² ουδε γαρ εγω παρα ανθρωπου παρελαβον αυτο ουτε εδιδαχθην αλλα δι αποκαλυψεως ιησου χριστου ⁰¹¹³ ηκουσατε γαρ την εμην αναστροφην ποτε εν τω ιουδαισμω οτι καθ υπερβολην εδιωκον την εκκλησιαν του θεου και επορθουν αυτην ⁰¹¹⁴ και προεκοπτον εν τω ιουδαισμω υπερ πολλους συνηλικιωτας εν τω γενει μου περισσοτερως ζηλωτης υπαρχων των πατρικων μου παραδοσεων ⁰¹¹⁵ οτε δε ευδοκησεν ο θεος ο αφορισας με εκ κοιλιας μητρος μου και καλεσας δια της χαριτος αυτου ⁰¹¹⁶ αποκαλυψαι τον υιον αυτου εν εμοι ινα ευαγγελιζωμαι αυτον εν τοις εθνεσιν ευθεως ου προσανεθεμην σαρκι και αιματι ⁰¹¹⁷ ουδε ανηλθον εις ιεροσολυμα προς τους προ εμου αποστολους αλλα απηλθον εισ αραβιαν και παλιν υπεστρεψα εις δαμασκον ⁰¹¹⁸ επειτα μετα ετη τρια ανηλθον εις ιεροσολυμα ιστορησαι κηφαν και επεμεινα προς αυτον ημερας δεκαπεντε ⁰¹¹⁹ ετερον δε των αποστολων ουκ ειδον ει μη ιακωβον τον αδελφον του κυριου ⁰¹²⁰ α δε γραφω υμιν ιδου ενωπιον του θεου οτι ου ψευδομαι ⁰¹²¹ επειτα ηλθον εις τα κλιματα της συριας και της κιλικιας ⁰¹²² ημην δε αγνοουμενος τω προσωπω ταις εκκλησιαισ τησ ιουδαιασ ταισ εν χριστω ⁰¹²³ μονον δε ακουοντεσ ησαν οτι ο διωκων ημασ ποτε νυν ευαγγελιζεται την πιστιν ην ποτε επορθει ⁰¹²⁴ και εδοξαζον εν εμοι τον θεον

- 02 -

⁰²⁰¹ επειτα δια δεκατεσσαρων ετων παλιν ανεβην εισ ιεροσολυμα μετα βαρναβα συμπαραλαβων και τιτον ⁰²⁰² ανεβην δε κατα αποκαλυψιν και ανεθεμην αυτοις το ευαγγελιον ο κηρυσσω εν τοις εθνεσιν κατ ιδιαν δε τοις δοκουσιν μη πως εις κενον τρεχω η εδραμον ⁰²⁰³ αλλ ουδε τιτος ο συν εμοι ελλην ων ηναγκασθη περιτμηθηναι ⁰²⁰⁴ δια δε τους παρεισακτους ψευδαδελφους οιτινες παρεισηλθον κατασκοπησαι την ελευθεριαν ημων ην εχομεν εν χριστω ιησου ινα ημας καταδουλωσουσιν ⁰²⁰⁵ οις ουδε προς ωραν ειξαμεν τη υποταγη ινα η αληθεια του ευαγγελιου διαμεινη προς υμας ⁰²⁰⁶ απο δε των δοκουντων ειναι τι οποιοι ποτε ησαν ουδεν μοι διαφερει προσωπον ο θεος ανθρωπου ου λαμβανει εμοι γαρ οι δοκουντες ουδεν προσανεθεντο ⁰²⁰⁷ αλλα τουναντιον ιδοντες οτι πεπιστευμαι το ευαγγελιον της ακροβυστιας καθως πετρος της περιτομης ⁰²⁰⁸ ο γαρ ενεργησας πετρω εις αποστολην της περιτομης ενηργησεν και εμοι εις τα εθνη ⁰²⁰⁹ και γνοντες την χαριν την δοθεισαν μοι ιακωβος και κηφας και ιωαννης οι δοκουντες στυλοι ειναι δεξιας εδωκαν εμοι και βαρναβα κοινωνιας ινα ημεις εις τα εθνη αυτοι δε εις την περιτομην ⁰²¹⁰ μονον των πτωχων ινα μνημονευωμεν ο και εσπουδασα αυτο τουτο ποιησαι ⁰²¹¹ οτε δε ηλθεν κηφας εις αντιοχειαν κατα προσωπον αυτω αντεστην οτι κατεγνωσμενος ην ⁰²¹² προ του γαρ ελθειν τινας απο ιακωβου μετα των εθνων συνησθιεν οτε δε ηλθον υπεστελλεν και αφωριζεν εαυτον φοβουμενος τους εκ περιτομης ⁰²¹³ και συνυπεκριθησαν αυτω και οι λοιποι ιουδαιοι ωστε και βαρναβας συναπηχθη αυτων τη υποκρισει ⁰²¹⁴ αλλ οτε ειδον οτι ουκ ορθοποδουσιν προς την αληθειαν του ευαγγελιου ειπον τω κηφα εμπροσθεν παντων ει συ ιουδαιος υπαρχων εθνικως και ουκ ιουδαικως ζης πως τα εθνη αναγκαζεις ιουδαιζειν ⁰²¹⁵ ημεις φυσει ιουδαιοι και ουκ εξ εθνων αμαρτωλοι ⁰²¹⁶ ειδοτες δε οτι ου δικαιουται ανθρωπος εξ εργων νομου εαν μη δια πιστεως ιησου χριστου και ημεις εις χριστον ιησουν επιστευσαμεν ινα δικαιωθωμεν εκ πιστεως χριστου και ουκ εξ εργων νομου οτι εξ εργων νομου ου δικαιωθησεται πασα σαρξ ⁰²¹⁷ ει δε ζητουντες δικαιωθηναι εν χριστω ευρεθημεν και αυτοι αμαρτωλοι αρα χριστος αμαρτιας διακονος μη γενοιτο ⁰²¹⁸ ει γαρ α κατελυσα ταυτα παλιν οικοδομω παραβατην εμαυτον συνιστανω ⁰²¹⁹ εγω γαρ δια νομου νομω απεθανον ινα θεω ζησω χριστω συνεσταυρωμαι ⁰²²⁰ ζω δε ουκετι εγω ζη δε εν εμοι χριστος ο δε νυν ζω εν σαρκι εν πιστει ζω τη του υιου του θεου του αγαπησαντος με και παραδοντος εαυτον υπερ εμου ⁰²²¹ ουκ αθετω την χαριν του θεου ει γαρ δια νομου δικαιοσυνη αρα χριστος δωρεαν απεθανεν

- 03 -

⁰³⁰¹ ω ανοητοι γαλαται τις υμας εβασκανεν οις κατ οφθαλμους ιησους χριστος προεγραφη εσταυρωμενος ⁰³⁰² τουτο μονον θελω μαθειν αφ υμων εξ εργων νομου το πνευμα ελαβετε η εξ ακοης πιστεως ⁰³⁰³ ουτως ανοητοι εστε εναρξαμενοι πνευματι νυν σαρκι επιτελεισθε ⁰³⁰⁴ τοσαυτα επαθετε εικη ει γε και εικη ⁰³⁰⁵ ο ουν επιχορηγων υμιν το πνευμα και ενεργων δυναμεις εν υμιν εξ εργων νομου η εξ ακοης πιστεως ⁰³⁰⁶ καθωσ αβρααμ επιστευσεν τω θεω και ελογισθη αυτω εις δικαιοσυνην ⁰³⁰⁷ γινωσκετε αρα οτι οι εκ πιστεως ουτοι εισιν υιοι αβρααμ ⁰³⁰⁸ προιδουσα δε η γραφη οτι εκ πιστεως δικαιοι τα εθνη ο θεος προευηγγελισατο τω αβρααμ οτι ενευλογηθησονται εν σοι παντα τα εθνη ⁰³⁰⁹ ωστε οι εκ πιστεως ευλογουνται συν τω πιστω αβρααμ ⁰³¹⁰ οσοι γαρ εξ εργων νομου εισιν υπο καταραν εισιν γεγραπται γαρ οτι επικαταρατος πας ος ουκ εμμενει πασιν τοις γεγραμμενοις εν τω βιβλιω του νομου του ποιησαι αυτα ⁰³¹¹ οτι δε εν νομω ουδεις δικαιουται παρα τω θεω δηλον οτι ο δικαιος εκ πιστεως ζησεται ⁰³¹² ο δε νομος ουκ εστιν εκ πιστεως αλλ ο ποιησας αυτα ζησεται εν αυτοις ⁰³¹³ χριστος ημας εξηγορασεν εκ της καταρας του νομου γενομενος υπερ ημων καταρα οτι γεγραπται επικαταρατος πας ο κρεμαμενος επι ξυλου ⁰³¹⁴ ινα εις τα εθνη η ευλογια του αβρααμ γενηται εν χριστω ιησου ινα την επαγγελιαν του πνευματος λαβωμεν δια της πιστεως ⁰³¹⁵ αδελφοι κατα ανθρωπον λεγω ομως ανθρωπου κεκυρωμενην διαθηκην ουδεις αθετει η επιδιατασσεται ⁰³¹⁶ τω δε αβρααμ ερρεθησαν αι επαγγελιαι και τω σπερματι αυτου ου λεγει και τοις σπερμασιν ως επι πολλων αλλ ωσ εφ ενος και τω σπερματι σου οσ εστιν χριστος ⁰³¹⁷ τουτο δε λεγω διαθηκην προκεκυρωμενην υπο του θεου ο μετα τετρακοσια και τριακοντα ετη γεγονως νομος ουκ ακυροι εις το καταργησαι την επαγγελιαν ⁰³¹⁸ ει γαρ εκ νομου η κληρονομια ουκετι εξ επαγγελιας τω δε αβρααμ δι επαγγελιας κεχαρισται ο θεος ⁰³¹⁹ τι ουν ο νομος των παραβασεων χαριν προσετεθη αχρις ου ελθη το σπερμα ω επηγγελται διαταγεις δι αγγελων εν χειρι μεσιτου ⁰³²⁰ ο δε μεσιτης ενος ουκ εστιν ο δε θεος εις εστιν ⁰³²¹ ο ουν νομος κατα των επαγγελιων του θεου μη γενοιτο ει γαρ εδοθη νομος ο δυναμενος ζωοποιησαι οντως εκ νομου αν ην η δικαιοσυνη ⁰³²² αλλα συνεκλεισεν η γραφη τα παντα υπο αμαρτιαν ινα η επαγγελια εκ πιστεως ιησου χριστου δοθη τοις πιστευουσιν ⁰³²³ προ του δε ελθειν την πιστιν υπο νομον εφρουρουμεθα συγκλειομενοι εις την μελλουσαν πιστιν αποκαλυφθηναι ⁰³²⁴ ωστε ο νομος παιδαγωγος ημων γεγονεν εις χριστον ινα εκ πιστεως δικαιωθωμεν ⁰³²⁵ ελθουσης δε της πιστεως ουκετι υπο παιδαγωγον εσμεν ⁰³²⁶ παντες γαρ υιοι θεου εστε δια της πιστεως εν χριστω ιησου ⁰³²⁷ οσοι γαρ εις χριστον εβαπτισθητε χριστον ενεδυσασθε ⁰³²⁸ ουκ ενι ιουδαιος ουδε ελλην ουκ ενι δουλος ουδε ελευθερος ουκ ενι αρσεν και θηλυ παντες γαρ υμεις εστε εν χριστω ιησου ⁰³²⁹ ει δε υμεις χριστου αρα του αβρααμ σπερμα εστε κατ επαγγελιαν κληρονομοι

- 04 -

⁰⁴⁰¹ λεγω δε εφ οσον χρονον ο κληρονομος νηπιος εστιν ουδεν διαφερει δουλου κυριος παντων ων ⁰⁴⁰² αλλα υπο επιτροπους εστιν και οικονομους αχρι της προθεσμιας του πατρος ⁰⁴⁰³ ουτως και ημεις οτε ημεν νηπιοι υπο τα στοιχεια του κοσμου ημεθα δεδουλωμενοι ⁰⁴⁰⁴ οτε δε ηλθεν το πληρωμα του χρονου εξαπεστειλεν ο θεος τον υιον αυτου γενομενον εκ γυναικος γενομενον υπο νομον ⁰⁴⁰⁵ ινα τους υπο νομον εξαγοραση ινα την υιοθεσιαν απολαβωμεν ⁰⁴⁰⁶ οτι δε εστε υιοι εξαπεστειλεν ο θεος το πνευμα του υιου αυτου εις τας καρδιας ημων κραζον αββα ο πατηρ ⁰⁴⁰⁷ ωστε ουκετι ει δουλος αλλα υιος ει δε υιος και κληρονομος δια θεου ⁰⁴⁰⁸ αλλα τοτε μεν ουκ ειδοτες θεον εδουλευσατε τοις φυσει μη ουσι θεοις ⁰⁴⁰⁹ νυν δε γνοντες θεον μαλλον δε γνωσθεντες υπο θεου πως επιστρεφετε παλιν επι τα ασθενη και πτωχα στοιχεια οις παλιν ανωθεν δουλευειν θελετε ⁰⁴¹⁰ ημερας παρατηρεισθε και μηνας και καιρους και ενιαυτους ⁰⁴¹¹ φοβουμαι υμας μη πως εικη κεκοπιακα εις υμας ⁰⁴¹² γινεσθε ως εγω οτι καγω ως υμεις αδελφοι δεομαι υμων ουδεν με ηδικησατε ⁰⁴¹³ οιδατε δε οτι δι ασθενειαν της σαρκος ευηγγελισαμην υμιν το προτερον ⁰⁴¹⁴ και τον πειρασμον υμων εν τη σαρκι μου ουκ εξουθενησατε ουδε εξεπτυσατε αλλ ως αγγελον θεου εδεξασθε με ως χριστον ιησουν ⁰⁴¹⁵ που ουν ο μακαρισμος υμων μαρτυρω γαρ υμιν οτι ει δυνατον τους οφθαλμους υμων εξορυξαντες εδωκατε μοι ⁰⁴¹⁶ ωστε εχθρος υμων γεγονα αληθευων υμιν ⁰⁴¹⁷ ζηλουσιν υμας ου καλως αλλα εκκλεισαι υμας θελουσιν ινα αυτους ζηλουτε ⁰⁴¹⁸ καλον δε ζηλουσθαι εν καλω παντοτε και μη μονον εν τω παρειναι με προς υμας ⁰⁴¹⁹ τεκνα μου ους παλιν ωδινω μεχρις ου μορφωθη χριστος εν υμιν ⁰⁴²⁰ ηθελον δε παρειναι προς υμας αρτι και αλλαξαι την φωνην μου οτι απορουμαι εν υμιν ⁰⁴²¹ λεγετε μοι οι υπο νομον θελοντες ειναι τον νομον ουκ ακουετε ⁰⁴²² γεγραπται γαρ οτι αβρααμ δυο υιους εσχεν ενα εκ της παιδισκης και ενα εκ της ελευθερας ⁰⁴²³ αλλ ο μεν εκ της παιδισκης κατα σαρκα γεγεννηται ο δε εκ της ελευθερας δι επαγγελιας ⁰⁴²⁴ ατινα εστιν αλληγορουμενα αυται γαρ εισιν δυο διαθηκαι μια μεν απο ορους σινα εις δουλειαν γεννωσα ητις εστιν αγαρ ⁰⁴²⁵ το δε αγαρ σινα ορος εστιν εν τη αραβια συστοιχει δε τη νυν ιερουσαλημ δουλευει γαρ μετα των τεκνων αυτης ⁰⁴²⁶ η δε ανω ιερουσαλημ ελευθερα εστιν ητις εστιν μητηρ ημων ⁰⁴²⁷ γεγραπται γαρ ευφρανθητι στειρα η ου τικτουσα ρηξον και βοησον η ουκ ωδινουσα οτι πολλα τα τεκνα της ερημου μαλλον η της εχουσης τον ανδρα ⁰⁴²⁸ υμεις δε αδελφοι κατα ισαακ επαγγελιας τεκνα εσμεν ⁰⁴²⁹ αλλ ωσπερ τοτε ο κατα σαρκα γεννηθεις εδιωκε τον κατα πνευμα ουτως και νυν ⁰⁴³⁰ αλλα τι λεγει η γραφη εκβαλε την παιδισκην και τον υιον αυτης ου γαρ μη κληρονομησει ο υιος της παιδισκης μετα του υιου της ελευθερας ⁰⁴³¹ διο αδελφοι ουκ εσμεν παιδισκης τεκνα αλλα της ελευθερας

- 05 -

⁰⁵⁰¹ τη ελευθερια ημας χριστος ηλευθερωσεν στηκετε ουν και μη παλιν ζυγω δουλειας ενεχεσθε ⁰⁵⁰² ιδε εγω παυλος λεγω υμιν οτι εαν περιτεμνησθε χριστος υμας ουδεν ωφελησει ⁰⁵⁰³ μαρτυρομαι δε παλιν παντι ανθρωπω περιτεμνομενω οτι οφειλετης εστιν ολον τον νομον ποιησαι ⁰⁵⁰⁴ κατηργηθητε απο χριστου οιτινες εν νομω δικαιουσθε της χαριτος εξεπεσατε ⁰⁵⁰⁵ ημεις γαρ πνευματι εκ πιστεως ελπιδα δικαιοσυνης απεκδεχομεθα ⁰⁵⁰⁶ εν γαρ χριστω ιησου ουτε περιτομη τι ισχυει ουτε ακροβυστια αλλα πιστις δι αγαπης ενεργουμενη ⁰⁵⁰⁷ ετρεχετε καλως τις υμας ενεκοψεν αληθεια μη πειθεσθαι ⁰⁵⁰⁸ η πεισμονη ουκ εκ του καλουντος υμας ⁰⁵⁰⁹ μικρα ζυμη ολον το φυραμα ζυμοι ⁰⁵¹⁰ εγω πεποιθα εις υμας εν κυριω οτι ουδεν αλλο φρονησετε ο δε ταρασσων υμας βαστασει το κριμα οστις εαν η ⁰⁵¹¹ εγω δε αδελφοι ει περιτομην ετι κηρυσσω τι ετι διωκομαι αρα κατηργηται το σκανδαλον του σταυρου ⁰⁵¹² οφελον και αποκοψονται οι αναστατουντες υμας ⁰⁵¹³ υμεις γαρ επ ελευθερια εκληθητε αδελφοι μονον μη την ελευθεριαν εις αφορμην τη σαρκι αλλα δια της αγαπης δουλευετε αλληλοις ⁰⁵¹⁴ ο γαρ πας νομος εν ενι λογω πεπληρωται εν τω αγαπησεις τον πλησιον σου ως σεαυτον ⁰⁵¹⁵ ει δε αλληλους δακνετε και κατεσθιετε βλεπετε μη υπ αλληλων αναλωθητε ⁰⁵¹⁶ λεγω δε πνευματι περιπατειτε και επιθυμιαν σαρκος ου μη τελεσητε ⁰⁵¹⁷ η γαρ σαρξ επιθυμει κατα του πνευματος το δε πνευμα κατα της σαρκος ταυτα γαρ αλληλοις αντικειται ινα μη α εαν θελητε ταυτα ποιητε ⁰⁵¹⁸ ει δε πνευματι αγεσθε ουκ εστε υπο νομον ⁰⁵¹⁹ φανερα δε εστιν τα εργα της σαρκος ατινα εστιν πορνεια ακαθαρσια ασελγεια ⁰⁵²⁰ ειδωλολατρεια φαρμακεια εχθραι ερις ζηλοι θυμοι εριθειαι διχοστασιαι αιρεσεις ⁰⁵²¹ φθονοι μεθαι κωμοι και τα ομοια τουτοις α προλεγω υμιν καθως προειπον οτι οι τα τοιαυτα πρασσοντες βασιλειαν θεου ου κληρονομησουσιν ⁰⁵²² ο δε καρπος του πνευματος εστιν αγαπη χαρα ειρηνη μακροθυμια χρηστοτης αγαθωσυνη πιστις ⁰⁵²³ πραυτης εγκρατεια κατα των τοιουτων ουκ εστιν νομος ⁰⁵²⁴ οι δε του χριστου ιησου την σαρκα εσταυρωσαν συν τοις παθημασιν και ταις επιθυμιαις ⁰⁵²⁵ ει ζωμεν πνευματι πνευματι και στοιχωμεν ⁰⁵²⁶ μη γινωμεθα κενοδοξοι αλληλους προκαλουμενοι αλληλοις φθονουντες

- 06 -

⁰⁶⁰¹ αδελφοι εαν και προλημφθη ανθρωπος εν τινι παραπτωματι υμεις οι πνευματικοι καταρτιζετε τον τοιουτον εν πνευματι πραυτητος σκοπων σεαυτον μη και συ πειρασθης ⁰⁶⁰² αλληλων τα βαρη βασταζετε και ουτως αναπληρωσετε τον νομον του χριστου ⁰⁶⁰³ ει γαρ δοκει τις ειναι τι μηδεν ων φρεναπατα εαυτον ⁰⁶⁰⁴ το δε εργον εαυτου δοκιμαζετω εκαστος και τοτε εις εαυτον μονον το καυχημα εξει και ουκ εις τον ετερον ⁰⁶⁰⁵ εκαστος γαρ το ιδιον φορτιον βαστασει ⁰⁶⁰⁶ κοινωνειτω δε ο κατηχουμενος τον λογον τω κατηχουντι εν πασιν αγαθοις ⁰⁶⁰⁷ μη πλανασθε θεος ου μυκτηριζεται ο γαρ εαν σπειρη ανθρωπος τουτο και θερισει ⁰⁶⁰⁸ οτι ο σπειρων εις την σαρκα εαυτου εκ της σαρκος θερισει φθοραν ο δε σπειρων εις το πνευμα εκ του πνευματος θερισει ζωην αιωνιον ⁰⁶⁰⁹ το δε καλον ποιουντες μη εγκακωμεν καιρω γαρ ιδιω θερισομεν μη εκλυομενοι ⁰⁶¹⁰ αρα ουν ωσ καιρον εχομεν εργαζωμεθα το αγαθον προς παντας μαλιστα δε προς τους οικειους της πιστεως ⁰⁶¹¹ ιδετε πηλικοις υμιν γραμμασιν εγραψα τη εμη χειρι ⁰⁶¹² οσοι θελουσιν ευπροσωπησαι εν σαρκι ουτοι αναγκαζουσιν υμας περιτεμνεσθαι μονον ινα τω σταυρω του χριστου ιησου μη διωκωνται ⁰⁶¹³ ουδε γαρ οι περιτετμημενοι αυτοι νομον φυλασσουσιν αλλα θελουσιν υμας περιτεμνεσθαι ινα εν τη υμετερα σαρκι καυχησωνται ⁰⁶¹⁴ εμοι δε μη γενοιτο καυχασθαι ει μη εν τω σταυρω του κυριου ημων ιησου χριστου δι ου εμοι κοσμος εσταυρωται καγω κοσμω ⁰⁶¹⁵ εν γαρ χριστω ιησου ουτε περιτομη τι εστιν ουτε ακροβυστια αλλα καινη κτισις ⁰⁶¹⁶ και οσοι τω κανονι τουτω στοιχησουσιν ειρηνη επ αυτους και ελεος και επι τον ισραηλ του θεου ⁰⁶¹⁷ του λοιπου κοπους μοι μηδεις παρεχετω εγω γαρ τα στιγματα του ιησου εν τω σωματι μου βασταζω ⁰⁶¹⁸ η χαρις του κυριου ημων ιησου χριστου μετα του πνευματος υμων αδελφοι αμην

THIS CREATIVE COMMONS BASICALLY MEANS THAT YOU CAN DO ANYTHING YOU SEE FIT WITH THIS WORK (THE TEXT OF THE NAZARENUS TESTAMENTUM SANCTUM) WITH ONLY 2 CONDITIONS:  1) YOU MUST QUOTE THE SOURCE OF THE WORK. IN THIS CASE: THE NAZARENUS TESTAMENTUM SANCTUM MUST BE CLEARLY ATTRIBUTED, AND nazarene-testament.com MUST BE CLEARLY LINKED WITH A FUNCTIONING LINK, AND THE YEAR USED MUST BE CLEARLY QUOTED. 2) YOU MUST NOT MAKE MONEY OFF THIS WORK ---> APART FROM THESE 2 CONDITIONS THERE IS NO FURTHER RESTRICTION AND YOU ARE FREE TO USE WITHOUT PERMISSION.

https://nazarenus-testamentum.com, https://nazarene-testament.com and https://testament-nazareen.com are each a part of the same Nazaræus Corpus.

CE CREATIVE COMMONS SIGNIFIE ESSENTIELLEMENT QUE VOUS POUVEZ FAIRE TOUT CE QUE VOUS JUGEZ APPROPRIÉ AVEC CE TRAVAIL (LE TEXTE DU NAZARENUS TESTAMENTUM SANCTUM) AVEC SEULEMENT 2 CONDITIONS:  1) VOUS DEVEZ CITER LA SOURCE DE CE TRAVAIL. DANS CE CAS,: LE NAZARENUS TESTAMENTUM SANCTUM DOIT ÊTRE CLAIREMENT ATTRIBUÉ;, ET testament-nazareen.com DOIT ÊTRE CLAIREMENT LIÉ; UTILISANT UN LIEN FONCTIONNEL, ET L'ANNÉE UTILISÉE DOIT ÊTRE CLAIREMENT CITÉE. 2) VOUS MUST NE DEVEZ PAS GAGNER DE L'ARGENT DE CE TRAVAIL ---> EN DEHORS DE CES 2 CONDITIONS IL N'Y A AUCUNE AUTRE RESTRICTION ET VOUS ÊTES LIBRE D'UTILISER SANS AUTORISATION.

https://nazarenus-testamentum.com, https://nazarene-testament.com et https://testament-nazareen.com sont chacun une partie du même Corpus Nazaræus.